Одбојкарите на ГОК Борец со пресврт стигнаа до победа од 3:1 на гостувањето кај Сушево во Василево, во седмото коло од Првата лига мажи. Сушево уште еднаш сезоната потврди дека ќе биде незгоден противник, особено на домашен терен и дека не признава фаворити, но немаше сили за изненадување. Гостите во следните три сета наметнаа свое темпо на игра и се изборија за комплетен кам-бек со кој остануваат меѓу водечките три екипи на табелата во лигата.
Борец држи чекор со шампионот Струмица, кој без посериозни проблеми го совлада младиот тим на Весна Пробиштип на гостински терен. И покрај сите обиди на домашните одбојкати да му се пркосат на ривалот, искуството и квалитетот беа на страната на бранителот на титулата.
Лирија стигна до втората победа во првенството откако во Струмица со 3:1 го совлада тимот на Македонија Џио. Лирија одигра подисциплиниран меч и беше поконкретен особено во моментите кога се кршеше резултатот и запиша важни три бода.
Останатите три натпревари од ова коло беа одиграни порано, Штип УГД, Шкендија и Универзитет во Тетово имаа максимални победи над противниците.
На табелата Штип УГД останува лидер, без пораз во досегашните седум кола и со максимални 21 бод, следен од Струмица и Борец.
ПРВА ЛИГА МАЖИ, 7. КОЛО
ШТИП УГД – РАБОТНИЧКИ 71&22 3:0 (25:18, 25:18, 25:14)
ШКЕНДИЈА – ЈАНТА ВОЛЕЈ 3:0 (25:7, 25:14, 25:11)
УНИ ВО ТЕТОВО – СКОПЈЕ 3:0 (25:9, 25:20, 29:27)
МАКЕДОНИЈА ЏИО – ЛИРИЈА 1:3 (11:25, 25:23, 13:25, 15:25)
ВЕСНА ПРОБИШТИП – СТРУМИЦА 47&72 0:3 (11:25, 18:25, 22:25)
СУШЕВО – ГОК БОРЕЦ 1:3 (25:22, 23:25, 21:25, 19:25)
