Луис Назарио да Лима Роналдо важи за еден од најдобрите фудбалери на сите времиња. Некои сметаат дека и Кристијано Роналдо е во таа категорија.
Сепак според Бразилецот јасна е разликата меѓу нив двајцата.
Во интервју за медиумите, Роналдо зборуваше за разликата помеѓу себе и Кристијано Роналдо, играчот кој ги обележа последните две децении на фудбалот. Неговите зборови веднаш го привлекоа вниманието на навивачите и експертите ширум светот.
„Разликата помеѓу Кристијано Роналдо и мене е што тренирав од обврска, понекогаш дури и не тренирав“, рече бразилскиот ас. Роналдо објасни дека неговиот став кон тренингот не бил секогаш оптимален и дека често си дозволувал да ги прескокнува подготовките, што денес звучи речиси неверојатно со оглед на денешните стандарди на професионалниот спорт.
Од друга страна, Кристијано Роналдо е познат по својата речиси опсесивна посветеност на тренингот и физичката подготвеност. Бразилскиот напаѓач нагласува дека токму оваа страст кон работата ги издвојува.
„Што се однесува до него, тој тренира затоа што сака“, додаде Роналдо, јасно нагласувајќи ја внатрешната мотивација на португалскиот напаѓач.
