Тренерот на Бенфика, Жозе Мурињо, изјави дека Реал Мадрид е ранет и дека не мисли дека на неговиот тим му е потребно чудо за повторно да го победи шпанскиот тим во Лигата на шампионите.
Бенфика го победи Реал Мадрид со 4:2 во последното коло од лигашката фаза на Лигата на шампионите и со тоа го зазеде последното место кое го однесе во плејофот, со што го елиминираше шпанскиот тим од директно пласирање во осминафиналето.
„Тие се ранети, а ранетиот крал е опасен. Ќе го играме првиот натпревар директно, амбициозно и со самодоверба. Знаеме што им направивме на кралевите на Лигата на шампионите“, рече Мурињо.
Мурињо призна дека Реал е сè уште голем фаворит и дека на Бенфика ќе му треба речиси совршена игра за да продолжи понатаму.
„Не мислам дека е потребно чудо за Бенфика да го елиминира Реал Мадрид. Мислам дека мора да бидеме на нашето највисоко ниво. Не мислам ни високо, мислам максимално, речиси на границата на совршенство, што не постои. Но, не е чудо“, рече Мурињо.
„Реал Мадрид е Реал Мадрид, со историја, знаење, амбиција. Единственото нешто што може да се спореди е тоа што сме два гиганти. Освен тоа, нема ништо друго. Но, фудбалот има моќ и можеме да победиме “, додаде тој.
Натпреварот меѓу Бенфика и Реал Мадрид е на програмата утре од 21:00 часот.
