Фудбалерите на Вест Хем извојуваа многу значајна победа во првиот меч од 32. коло во Премиерлигата. Вечерва во Лондон, „чеканите“ кои грчевито се борат за опстанок, со високи 4:0 славеа над Вулверхемптон.
Мавропанос го отвори резултатот со голот во 42. минута, предност со која Вест Хем замина на пауза. Во вториот дел домашните беа уште подобри и до крајот погодија уште трипати во гостинската мрежа. Кастељанос погоди двапати во низа за 3:0, а Мавропанос со својот втор гол во 83. минута ги постави конечните 4:0.
Со оваа победа Вест Хем го помина Тотенхем на 17. место на табелата.
