Лос Анџелес Лејкерс славеа над Хјустон Рокетс со 107-98 во првиот натпревар од првото коло од плејофот во НБА. И покрај отсуството на Дончиќ и Ривс, Лејкерси лесно победија и го направија првиот чекор кон следната рунда од плејофот.
Домашните ја контролираа играта благодарение на високиот процент на шут од поле и солидната одбрана, која го ограничи Хјустон на 37,6 проценти шут.
Најефикасен играч во победничкиот тим беше Лук Кенард со 27 поени, што е негов најдобар резултат во кариерата во плејофот, додека Леброн Џејмс додаде 19 поени и 13 асистенции. Алперен Шенгун го предводеше Хјустон со 19 поени. Кевин Дурант го пропушти натпреварот поради повреда на коленото по судир со соиграч на тренинг.
Денвер Нагетс ја победија Минесота Тимбервулвс со 116:105 и поведоа во плејоф серијата. Џамал Мареј командуваше и одигра врвен натпревар, додека Никола Јокиќ ги пополни сите статистички колони, а играчите на Денвер ги погодија шутевите кога требаше.
Јокиќ постигна 25 поени со 13 скока и 11 асистенции за 40 минути на теренот. Неговиот шут од поле беше 11/19, со една украдена топка и пет изгубени топки. Мареј беше најефикасниот играч за Денвер со 30 поени, пет скока и седум асистенции, додека Гордон исто така придонесе со 17, како и Браун и Џонсон со по 12 поени.
Њујорк Никс ги победија Атланта Хокс со 113-102 во првиот натпревар од првото коло од плејофот на Источната конференција и поведоа со 1-0 во серијата. Никси ја остварија победата благодарение на солидната одбрана и доминацијата во скоковите, но и поените во транзицијата, каде што имаа предност од 22:13. Џејлен Брансон одигра клучна улога, постигнувајќи 28 поени, вклучувајќи 19 во првата четвртина. Карл-Ентони Таунс исто така имаше значаен придонес со 25 поени и осум скока.
