Фантастичен фудбал, 5 гола, два пенали и уште најмалку уште три-четири добри шанси видовме во првите 45 минути од првото полуфинале меѓу ПСЖ и Баерн (М) во Париз. ПСЖ на пауза замина со предност од 3:2, но Баерн сигурно нема намера да се предаде.
Баерн прв поведе со гол од пенал. Луис Диаз беше соборен во шеснаесетникот на Сафонов, а Хари Кејн погоди од белата точка за 0:1 во 17. минута.
ПСЖ брзо се опорави и преку фантастичниот Кваратсхелија израмни на 1:1 во 24. минута. Откако во меѓувреме видовме уште по една одлична шанса на двете страни, Невеш со прекрасен гол со глава го доведе домаќинот до 2:1 во 33. минута.
Баерн (М) продолжи да притиска, а неверојатниот Олисе со соло-потег успеа да израмни на 2:2 во 41. минута. Во финишот стигна спорен момент. ВАР реагираше на игра со рака во шеснаесетникот на Германците, Сандро Шерер ја прегледа сигуацијата и покажа на белата точка. Дембеле успеа да погоди за 3:2, но останува отворено прашањето дали овде имаше пенал?
