Панатинаикос успеа да направи „двоен брејк“ поведувајќи со 2:0 во победи и обезбедувајќи три меч топки за место во Фајнал-Фор на Евролигата.
Вечерашниот дуел помеѓу Валенсија и Панатинаикос (105:107/95:95) ги воодушеви љубителите на кошарката, но имаше и многу тензии на теренот, и за време и по натпреварот, за што зборуваше тренерот на Панатинаикос, Ергин Атаман, на прес-конференција.
Но, набргу потоа, Валенсија, поранешниот тим на Ненад Димитријевиќ, даде и официјална изјава, осудувајќи го однесувањето на првиот човек на атинскиот клуб, Димитрис Јанакопулос.
„Валенсија Баскет го осудува однесувањето на претседателот на Панатинаикос, Димитрис Јанакопулос, кој ги премина сите граници за време на натпреварот приближувајќи се кон масата за записи на неприфатлив начин, обидувајќи се да влијае и да ги навредува судиите, што беше одразено во извештајот од натпреварот.
Тој, исто така, одби да ги почитува безбедносните упатства и создаде непотребна тензија, за што полицијата го казни него и неколку други членови на неговата делегација.
Клубот ќе поднесе формална жалба до натпреварувањето и се надева дека Евролигата строго ќе го казни овој вид однесување, кое ја нарушува добрата слика за нашиот спорт, особено имајќи предвид дека тој е повеќекратен прекршител“, се вели во соопштението.
📰 Comunicado oficial
Valencia Basket condena la actitud del Presidente de Panathinaikos, Dimitris Giannakopoulos, que rebasó cualquier límite durante el partido acercándose a la mesa con una actitud deplorable, tratando de influenciar e increpar a los árbitros, tal y como… pic.twitter.com/SnvxcPHWXI
— Valencia Basket Club (@valenciabasket) April 30, 2026
