Кошаркарите на Оклахома Сити се први финалисти во Западната конференција во НБА. Тие ги елиминираа Лос Анџелес Лејкерс со вкупно 4:0 во серијата, на последниот меч славеа со 115:110.
Шај Гилџус-Александар ја предводеше Оклахома до победа со 35 поени и осум асистенции, додека Аџај Мичел постигна 28. Остин Ривс за Лејкерс имаше 27 поени, седум скока и шест асистенции. Леброн Џејмс 24 со 12 скока.
Тандер со тоа се уште се непоразени во плејофот оваа сезона, со оглед на тоа што ги елиминираа и Феникс Санс со 4:0 во првото коло. Во финалето на Западот, нивниот противник ќе биде подобар од дуелот помеѓу Сан Антонио Спарс и Минесота Тимбервулвс, каде што моментално е 2:2.
Кливленд Кавалирс ги победија Детроит дома со 112:103 и со тоа изедначија во полуфиналната серија од Источната конференција на 2:2. Натпреварот го одбележа Донован Мичел, кој го израмни рекордот во плејофот на НБА со 39 поени во второто полувреме.
Донован Мичел го заврши натпреварот со вкупно 43 поени, но тој влезе во историјата благодарение на својот настап во второто полувреме. Со своите 39 поени во второто полувреме, тој го израмни рекордот на Ерик Флојд, поставен во 1987 година, за најмногу поени во едно полувреме од плејоф натпревар. Мичел имаше шанса да го сруши рекордот 27,6 секунди пред крајот, но откако го погоди првото слободно фрлање, го промаши второто. Придонес на остатокот од тимот
Џејмс Харден го имаше својот 40-ти „дабл-дабл“ настап во плејофот со 24 поени и 11 асистенции. Со оваа победа, Кливленд остана непоразен дома во шест натпревари од овогодинешниот плејоф.
