Ергин Атаман не сакаше да зборува за својата иднина по болниот крај на сезоната во Евролигата, но по поразот на Панатинаикос против Валенсија во петтиот натпревар од плејофот, 81:64, тој го посочи прстот кон судењето.
Поранешниот европски шампион остана без Фајнал Фор, а турскиот тренер го нагласи огромниот дисбаланс во слободните фрлања по натпреварот. Валенсија постигна 29, Панатинаикос само осум.
„Ја проверив статистиката и видов дека шутевите за два, за три, сè е практично слично. Валенсија погоди девет тројки, ние погодивме десет. Валенсија погоди 16 шутеви за два, ние погодивме 14. Таму има одличен баланс. Но, има неверојатен дисбаланс во фаулите. Валенсија погоди 29 слободни фрлања, ние само осум. Истото се случи и во четвртиот натпревар. Не сакам да коментирам ништо друго, но ова е многу, многу чудно“, рече Атаман.
Потоа отиде чекор понатаму.
„На крајот, сакам да кажам: ако критериумот на судиите е ист на Фајнал-форот, Валенсија ќе биде шампион на Евролигата“, рече тренерот на Панатинаикос.
Кога го прашаа за неговата иднина, Атаман дури и не сакаше да го слуша прашањето до крај. Стана и ја напушти прес-конференцијата.
Ова е особено интересно поради неговата изјава од јануари, кога рече дека ќе ја напушти Атина ако Панатинаикос не ја освои Евролигата или грчкото првенство на крајот од сезоната.
„Верувам во моите играчи и мојот тим. Ако не ја освоиме Евролигата или грчкото првенство на крајот од сезоната, ќе ја напуштам Атина“, рече тогаш Атаман.
