Барселона тргна во офанзива и го сака Жоао Педро како замена за Роберто Левандовски. Доверливи извори од Каталонија и Бразил денес објавија дека спортскиот директор Деко ја започнал операцијата „Жоао Педро“, бидејќи е сигурно дека Роберт Левандовски ќе го напушти клубот на крајот од сезоната како слободен агент.
Хулијан Алварез беше најголемата желба на Хоан Лапорта, но Барселона е свесна дека Аргентинецот е речиси невозможна мисија. Прво, ПСЖ е подготвен да понуди над 100.000.000 евра за неговиот потпис, тие исто така му нудат поголема плата, па Атлетико дефинитивно би сакал да го продаде својот најдобар играч надвор од Шпанија.
Жоао Педро се појави како поприфатлива и многу добра алтернатива. Иако нема да биде евтин, Барселона верува дека Бразилецот ќе го направи својот дел и ќе побара од Челзи да си замине.
Почетната цена ќе биде фиксен минимум од 80.000.000 евра, со задолжителни бонуси кои ќе одат до 100.000.000, бидејќи Челзи му плати на Брајтон 65.000.000 само пред една година.
Жоао Педро има само 24 години, но веќе стекнал многу искуство, бидејќи е во Англија од 2020 година, кога пристигна во Вотфорд од Флуминензе за 11.500.000 евра. Подоцна се пресели во Брајтон во 2023 година за 34.000.000.
