Сан Антонио ги победи Минесота Тимбервулвс со 139-109 во шестиот натпревар од полуфиналето на Западната конференција, завршувајќи ја серијата со 4-2. Тие ќе се соочат со бранителот на титулата Оклахома Сити Тандер во финалето на Западната конференција. Иако имаше шанса Истокот денес да ги има двата финалисти, серијата помеѓу Детроит Пистонс и Кливленд Кавалирс е сè уште нерешена.
Стефон Касл постигна 32 поени, имаше 11 скока и шест асистенции, а Де’Арон Фокс додаде 21 поен и девет асистенции во убедливата победа на Спарс. Најголемата предност за тимот од Тексас, кој не загуби во ниту еден момент од натпреварот, беше 37 поени. Виктор Вембањама додаде 19, заедно со шест скока и три блокади. Најдобар играч за Вулвс беше Ентони Едвардс со 24
Финалистите во Источната конференција ќе бидат познати по натпреварот во недела, откако Детроит Пистонс славеа против Клилвенд со 94-115 за изедначување во серијата.
Победата на Детроит од 21 поен го израмни рекордот на НБА плејофот за разлика во поени во шестиот натпревар на гостински терен на 2-3 и во опасност од елиминација. Сент Луис Хокс ги победија Минеаполис Лејкерс со 117-96 во финалето на Западната конференција во 1960 година.
Кејд Канингем постигна 21 поен, а Џејлен Дурен додаде 15 поени и 11 скока за победничкиот тим. Прв стрелец на „Кавс“ беше Џејмс Харден со 23 поени.
