Ѕвездата на Барселона и Шпанија, Ламине Јамал, верува дека „Црвената Фурија“ може да триумфира со титулата на Светското првенство ова лето.
Шпанците се едни од фаворитите за Светското првенство во 2026 година, каде што се во групата Х со Уругвај, Саудиска Арабија и Зелено`ртските острови.
„Смешно е, но на Европското првенство беше спротивното. Никој не нè сметаше за фаворити и тоа ни помогна. Да се биде фаворит не значи ништо кога си на теренот. Не ти дава предност, ниту ти помага да постигнеш повеќе голови. Само треба внимателно да пристапиш кон секој натпревар. Има многу силни тимови – Аргентина, Франција, Португалија, Англија и сите играат најдобро што можат во светот“ посочи Јамал.
„Замислувам како судијата свири на последниот свиреж во финалето и ние победуваме. Не знам со колку, но ние сме шампиони. Потоа можеме да се вратиме во Шпанија и да славиме со навивачите. Тоа би било посебно“, додаде младата шпанска ѕвезда.
