Ракометарите на Прилеп ја продолжуваат победничката серија. Вечерва на свој терен во меч од 9.коло во плеј – аутот, тие славеа против Пролет со 29:27. Ова беше нивна десетта победа во низа откако беа поразени уште во февруари од Пелистер.
Пролет одиграа добар меч, во поголем дел од средбата и тоа како му зададе проблеми на домашниот состав. На седум минути до крајот, гостите имаа и предност од 24:25, но сепак не успеаја да дојдат до победа.
Шипинкоски со седум и Димитриоски со шест голови беа најефикасни кај домашните, додека кај гостите Стојановски запиша седум погодоци.
