Иако слледното Ел Класико е сè уште далеку, сепак атмосферата уште сега се загрева. Тренерот на Барселона, Ханси Флик, одговори на гласините што го поврзуваат Жозе Мурињо со следната работа во Реал Мадрид, изразувајќи увереност дека повторно ќе се сретне со Португалецот во Шпанија.
На прашањето дали би бил спремен да се соочи со Мурињо доколку “Специјалниот“ ги преземе големите ривали на Мадрид, тренерот на Барселона одговори директно и отворено:
“Секако. Зошто да не? Тој е менаџер на противнички тим и јас секогаш сум подготвен за секого“.
Оваа изјава доаѓа во време кога името на Жозе Мурињо добива сè поголема популарност како можен избор за враќање на “Бернабеу“ години по неговиот прв престој во Реал Мадрид. Иако сè уште нема официјална потврда, шпекулациите значително се интензивираа во последните недели и веќе ја поттикнуваат атмосферата околу големото дерби на шпанскиот фудбал.
Навивачите и стручњаците со нетрпение го очекуваат продолжувањето на едно од најголемите менаџерски ривалства во историјата. Доколку тоа сценарио се потврди, Мурињо повторно ќе биде вмешан во едно од најинтензивните соперништва во светскиот фудбал, овој пат против двократниот шампион Барселона, предводена од Ханси Флик. Самата можност за таков судир ветува дека ќе се загрее следната сезона во Шпанија.
🚨 Hansi Flick: “Ready for Mourinho? Of course, why not? He’s a coach like everyone else.” pic.twitter.com/mwiT5mx4z4
— Madrid Xtra (@MadridXtra) May 23, 2026
