Жељко Обрадовиќ во Барселона? Ова е “бомбата“ која ја пренесуваат медиумите во Шпанија. Најтрофејниот тренер на Евролигата, наскоро треба да објави кој клуб ќе го преземе по неславната разделба со Партизан, а сигурни извори во Каталонија шпекулираат дека тоа би можело да биде Барселона.
Јуни е месец на големи одлуки за популарниот Зоц, на кои можевме да бидеме сведоци пред половина деценија кога се врати во Партизан, а сега е блиску до потпишување за Барселона и станување дел од шпанската кошарка каде што остави неизбришлив белег.
Како што објави „Л’Еспортио“, Обрадовиќ во интерни разговори со најблиските одлучи да го забрза процесот на одлучување кого ќе го води во следната сезона по Фајналфорот.
Иако по турбулентната недела со Ергин Атаман се чинеше дека може да се врати во Панатинаикос, сигурното заминување на Чави Пасквал во Дубаи ги принуди челниците на Барселона да го ублажат гневот на навивачите со доаѓањето на најтрофејниот тренер во Европа.
Истиот извор додава дека сè поконкурентната Евролига ќе бара драстично поголеми инвестиции од клубовите, што може да се види во примерот на новиот шампион Олимпијакос, кој се согласи на доаѓањето на Жан Монтеро и Коди Милер-МекИнтаер само еден ден по крунисувањето.
Иако имаше шпекулации за проширување на натпреварувањето, поделба на конференции, според најновите информации, Евролигата ќе има 20 клуба и следната сезона.
Кој од нив ќе го предводи Обрадовиќ?
