Винченцо Монтела, селекторот на турската репрезентација, го објави конечниот список од 26 фудбалери за Светското првенство во 2026 година. Италијанскиот стручњак ги избра своите конечни избори по победата од 4:0 против нашата репрезентација.
Секако, ѕвездите на Реал Мадрид и Јувентус, Арда Ѓулер и Кенан Јилдиз, главните столбови на Турците, привлекуваат најголемо внимание на списокот. Многумина од нив очекуваат да бидат главниот адут што може да ги вознемири фаворитите, но прашањето за искуството останува бидејќи не играле Турците не играле на СП од 2002 година. Тројца млади играчи Мухамед Сенгесер, Арал Шимшир и Демир Еге Тикназ се отстранети од конечниот список, но ќе бидат вклучени во делегацијата што патува во САД за да стекнат искуство. Правилата на Светското првенство дозволуваат замена на играчите во случај на повреда пред првите натпревари на екипите (за голманите – во текот на целиот турнир).
Турција ќе биде сместена во градот Форт Лодердејл (САД). Таму ќе одигра пријателски натпревар против Венецуела на 7 јуни. Тимот на Монтел е во групата Д заедно со домаќините САД, Австралија и Парагвај. Нивниот прв натпревар е против „Кенгурите“ на 13 јуни.
Состав на Турција:
Голмани: Алтај Бајиндир (Манчестер Јунајтед), Мерт Гунок (Фенербахче), Угурџан Чакир (Галатасарај);
Одбрана: Абдулкерим Бардакчи (Галатасарај), Мерих Демирал (Ал Ахли), Чаглар Сојунџу (Фенербахче), Ерен Елмали (Галатасарај), Ферди Кадиоглу (Брајтон), Мерт Мулдур (Фенербахче), Озан Кабак (Хофенхајм), Самет Акајдин (Ризеспор), Зеки Челик (Рома);
Среден ред: Хакан Чалханоглу (Интер), Исмаил Јуксек (Фенербахче), Кан Ајхан (Галатасарај), Оркун Кокџу (Бешикташ), Салих Озџан (Борусија Дортмунд);
Напаѓачи: Арда Ѓулер (Реал Мадрид), Барис Алпер Јилмаз (Галатасарај), Чан Узун (Ајнтрахт Франкфурт), Дениз Ѓул (Порто), Ирфан Џан Кахвечи (Касимпаша), Кенан Јилдиз (Јувентус), Керем Актуркоглу (Фенербахче), Огуз Ајдин (Фенербахче),Јунуз Акгун (Галатасарај)
