По се она што се случуваше за време, а посебно по натпреварот од последното финале на Купот на Македонија, каде Силекс ја победи Шкендија со 1:0, денеска имаме епилог. И дефинитивно ФФМ го одржа ветувањето кое беше најавено веднаш на пресот по 33.финале на Купот на Македонија.
А тоа беше дека Шкендија ќе биде најстрого казнета.
И еве, Шкендија ја доби најголемата казна во историјата – вредна 105.00 евра. Оваа сума е вкупна за се она што и нивните фанови направија на Арената “Тодор Проески“ вечерта на 20 мај. Шкендија е казнета и со исфрлање од Купот за наредната 2026/27 сезона.
Шкендија е казнета поради одбивање да се примат медалите, поради навредливи скандирања од страна на фановите до ФФМ и слично, исвиркување и не стоење на химната на Македонија, употреба на пиротехнички средства и др.
И сето тоа “вреди“ 105.000 евра. Сума и казна која е убедливо најголема во историјата на мак- фудбалот и спортот во Македонија воопшто.
Јасно е дека секој си ги сноси последиците од направеното, тука нема дилеми, но ајде да направиме мала споредба што значи оваа казна и колкава е таа.
Ако Шкендија има буџет од 3.000.000 евра, секако неофицијално, и добива казна од 105.000 евра, тоа е исто како да го казниш Реал Мадрид со 50 милиони евра, тоа е еквивалент на казната на Шкендија во наши рамки.
Исто така 105.000 евра е 20-30% од буџетот на многу наши прволигашки клубови.
