Катар постигна голем бод против Швајцарија во 94-тата минута, а два часа по натпреварот, ФИФА направи промена и голот во судиското продолжение беше прогласен за автогол од швајцарскиот дефанзивец Миро Мухајм.
Буалеми Куки го прослави голот од 1-1 во судиското продолжение против Швајцарија. Апсолутно сите мислеа дека тој го постигна историскиот гол за Катар што им го донесе првиот бод на Светското првенство.
Сепак, два часа по натпреварот, ФИФА направи промена. Прегледот на снимката утврди дека станува збор за автогол. Несреќникот е Миро Мухајм. По центаршут од лево, тој беше оној што си го постигна автоголот.
За да биде уште полошо, овој дефанзивец од германскиот ХСВ влезе во игра во 89-тата минута наместо Рикардо Родригез.
Во Катар владее еуфорија. Иако официјално беше забележан автогол, навивачите на овој тим не се грижат многу за тоа. За нив е важно да освојат бод против фаворизиран противник, а Куки ќе остане во нивните очи херој на акцијата што донесе историски резултат на Светското првенство.
Ситуации како оваа дополнително потврдуваат колку ригорозна стана ФИФА во последните години кога станува збор за точно водење евиденција на стрелците.
ES OFICIAL: Miro Muheim🇨🇭 en contra para #Qatar, FIFA actualiza como autogol. ✅
⚽🥅2° gol en contra en #Mundial2026.
⚽🥅Damian Bobadilla🇵🇾 (🇺🇲)
⚽🥅Mira Muheim🇨🇭 (🇶🇦)15° #CopaMundialFIFA con +2 autogoles⚽🥅. 🆕pic.twitter.com/ULDK90ljtW https://t.co/9Qb6Eomw1l
— All Sports Py (@AllSportsPy) June 13, 2026
