И Иран и Нов Зеланд рано утринава одиграа нерешено 2-2 на стадионот „СоФи“ во Инглвуд во првото коло од Светското првенство.
Нов Зеланд добро го отвори натпреварот и поведе во седмата минута преку Џусто.
Потоа Иран ја презеде иницијативата, имаше неколку добри шанси за постигнување гол, а до заслуженото израмнување стигна во 32-та минута кога Резаејан го постигна голот.
Второто полувреме беше речиси потполно исто. Брилијантен гол на Џас повторно го доведе Нов Зеланд во водство во осмата минута од второто полувреме, но 10 минути подоцна Мохеби ги врати работите на вистинскиот пат.
До крајот на натпреварот, двата тима имаа уште неколку опасни ситуации, но се чини дека распределбата на бодовите беше најфер исходот од овој дуел.
