Не е се така идеално во таборот на селекцијата на Германија. И иако во минатото партнерките на фудбалерите често беа актуелна тема пред и за време на големите натпреварувања, овој пат во германската репрезентација, не се сопругите и девојките на играчите тие што привлекуваат внимание, туку самата партнерка на селекторот. Лена Вурценбергер, девојката на Јулијан Нагелсман, наводно предизвикува нелагодност со своето постојано присуство во кампот на Елфите на Светското првенство, пишува Дејли Меил.
Германскиот тренер Јулијан Нагелсман и неговата девојка Лена Вурценбергер се во врска од 2022 година и оттогаш се речиси неразделни. Сепак, нејзиното присуство во германскиот камп во Северна Каролина, каде што репрезентацијата се подготвува за натпреварите од Светското првенство, стана медиумска тема. Германски Билд пишува дека 34-годишната поранешна новинарка предизвикала „доста возбуда“ бидејќи е „поприсутна од веројатно која било партнерка на германски селектор пред неа“.
Додека Германците се подготвуваат за нивниот втор натпревар против Брегот на Слоновата Коска, кој ќе се игра во сабота, Вурценбергер е речиси постојано во близина на тимот. Таа првпат беше видена во предтурнирскиот камп во Франкфурт, каде што го гледаше тренингот од балконот.
По убедливата победа од 7-1 над Курасао, таа остана на теренот за да ги гледа резервите како се загреваат. Подоцна, наводно, го придружувала Нагелсман до хотелот на тимот, а следниот ден биле видени како возат велосипед заедно до тренинг центарот. Се очекува таа да седи веднаш зад германската клупа за натпреварот во Торонто. Според Билд, „ниту една германска прва дама никогаш не била толку видлива“, и ова се чини дека станува проблем за играчите. Локалните новинари шпекулираат за можна вознемиреност во тимот.
„Секако, секогаш постои чувство дека можеби не сте целосно искрени на масата кога зборувате за тренерот ако неговиот партнер е во собата“, велат тие.
Нејзиното постојано присуство беше критикувано и од легендата на германскиот фудбал Лотар Матеус, кој призна дека ситуацијата не е „идеална“.
„Таа едноставно не треба премногу често да се појавува на фотографии – тоа не би било идеално според мене“, изјави Матеус за германската телевизија.
„Играчите имаат слободни денови и нивните семејства можат да дојдат во хотелот. Лена исто така го искористи тоа. Мислам дека тоа е сосема нормално. Таа можеше да дојде во хотелот, исто како девојките и сопругите на играчите. Може да се види солидарноста таму, но правилата мора да важат подеднакво за сите. Посетите мора да се одвиваат во време кога и ние играчите ги гледаме нашите семејства“, додаде Матеус.
