Фантастичен натпревар одиграа во третото коло од Групата Ј фудбалерите на Алжир и Австрија. Конечниот резултат од 3:3 и шест гола им донесе добра забава на навивачите на трибините и покрај ТВ приемниците, а ги задоволи и двете селекции, бидејќи и Алжир и Австрија се пласираа во нокаут фазата.
Она што привлече посебно внимание беше третиот гол на африканската репрезентација во судиското продолжение за 3:2. Алжирските фудбалери се додаваа, градеа напад, Австријците ги „чекаа“ и на крајот – примија гол.
There were 110 (yes, 110!) passes in the build-up to Riyad Mahrez’s goal for Algeria last night.
Algeria had the ball in continuous possession for over 5 minutes 😂
Clearly didn’t get the message that a draw would have been fine for both pic.twitter.com/AsCDq4RIfN
— Opta Analyst (@OptaAnalyst) June 28, 2026
Статистичарите пресметаа дека Алжирците, пред нивниот капитен Ријад Марез да ја затресе мрежата на Австријците, ја имале топката во свој посед континуирано 5 минути! Во исто време, тие направија дури 110 додавања! Неверојатни бројки и веројатно нов светски рекорд во таа категорија.
Сепак, Австријците не тагуваа премногу на крајот. Тие возвратија во 90+6. минута преку Калајџиќ и израмни на 3:3.
