Јаник Синер, веројатно најдобриот тениср во светот во моментов и тоа како си имаше проблеми на стартот на годинашниот Вимблдон. Италијанецот едвај дојде до победата со 3:2 во сетови против Србинот Миомир Кецмановиќ во меч од 1.коло кој траеше 3,5 часови.
Српскиот тенисер водеше со 1:0 и 2:1 во сетови, но сепак не успеа до крај да го декласира Италјанецот кој во еден момент и се повреди, му гледаше и крв на патиката од едно лизгање на теренот.
Во решавачкиот петти сет, Синер сепак покажа кој е кој во моментов и успеа да го добие со 6:3 во гемови за конечни 3:2 во сетови и за победа во 1.коло на годинашниот Вимблдон.
Значи малку недостигаше да дојде до голема сензација на стартот, но ништо од тоа. Јаник Синер оди во следното коло.
