Фудбалската репрезентација на Белгија синоќа ги совлада САД со резултат од 4:1 и со тоа се пласираше во четвртфиналето на Светското првенство.
Овој триумф е уште посладок со оглед на сите неправди и контроверзии што се случија пред средбата. ФИФА му го поништи црвениот картон на напаѓачот на САД, Фоларин Балогун, кој го доби против БиХ и му дозволи да игра во осминафиналето.
Посебен бес дојде откако американскиот претседател Доналд Трамп призна дека интервенирал кај претседателот на ФИФА, Џани Инфантино, за да го поништи црвениот картон, предизвикувајќи лути реакции низ целиот свет.
Официјалните канали на белгискиот тим на социјалните мрежи брзо испратија порака откако беше потврдена нивната победа од 4-1.
„Поништи го ова!“, пишуваше во објавите, по четвртиот гол кој го постигна Лукаку.
Капитенот на Белгија, Јури Тилеманс, рече дека контроверзноста околу Балогун му помогнала да го мотивира неговиот тим.
„Да бидеме искрени: одржавме состанок кога ја слушнавме веста“, рече Тилеманс по натпреварот и продолжи: „Си рековме дека мора да проговориме на теренот. Тоа го направивме денес. Многу сум горд на тимот.“
Overturn this. 🧏♂️ #USABEL pic.twitter.com/KcBAJp3Z7d
— Belgian Red Devils (@BelRedDevils) July 7, 2026
