Сега веќе и дефинитивно се знае дека Јирген Клоп е новиот селектор на Германија. Првиот човек на Германската фудбалска асоцијација (DFB), претседателот Бернд Нојендорф и потпретседателот Ханс-Јоаким Вацке, овој викенд патуваат во Њујорк за да склучат договор со Јирген Клоп за преземање на селекторската клупа на германската репрезентација, пишуваат германските медиуми.
Според договорот, Клоп треба да потпише четиригодишен договор што би го задржал на клупата на репрезентацијата до 2030 година, вклучувајќи го и Светското првенство што се одржува тогаш. Неговата плата ќе биде малку повисока од претходната плата на Нагелсман од 7 милиони евра годишно. Речиси е сигурно дека во стручниот штаб на Клоп ќе бидат и неговите долгогодишни помошници Петер Кравиц и Пепин Линдерс, а во последните денови го контактирале и бројни други потенцијални соработници.
DFB нема да исплати отштета на Ред Бул за раскинувањето на договорот на Клоп. Наместо тоа, тој ќе остане амбасадор на брендот за таа компанија, која Ред Бул ја смета за повредна од отштета во едноцифрен износ од милион евра.
Да потсетиме, Клоп ќе го наследи Јулијан Нагелсман на германската клупа, зад кого е разочарувачки настап на Светското првенство и елиминација од Парагвај во осминафиналето. Нагелсман е тренер од 2023 година. Клоп се враќа на тренерската работа откако го напушти Ливерпул пред две години. Во меѓувреме, работеше како раководител на фудбалскиот сектор во групата на Ред Бул.
