Екипата на Шкендија го одработи последниот тренинг пред утрешниот реванш меч против словенечки Браво во рамките на 2. квалификациско коло во Конференциската лига.
Тетовските „црвено-црни“ истрчаа на Арената „Тодор Проески“. Желбата е единствена да останат во Европа, но за тоа ќе мора да го надокнадат поразот од 2-1 на гостински терен кај Браво.
„Шкендија сака да го надокнади недостатокот од претходниот натпревар (2:1) и да се квалификува во третото коло од Конференциската лига на УЕФА“, е пораката од Шкендија.
За да се обезбеди страсна атмосфера и максимална поддршка за нашите момци, клубот одлучи влезот да биде бесплатен.
Натпреварот меѓу Шкендија и Браво е со почеток во 20 часот.
