Тренерот на Шкендија, Артим Положани не е со експедицијата на тетовци во Единбург и тоа поради визата. Сепак се очекува утре да се приклучи на тимот. Поради доцнење во постапката за издавање виза за влез во Велика Британија, главниот тренер Артим Положани не отпатува со тимот во Шкотска и, како резултат на тоа, не беше присутен на прес-конференцијата и официјалниот тренинг пред натпреварот со Хибернијан.
Прес-конференцијата и тренингот ги водеше помошникот тренер Куштрим Вока, заедно со техничкиот персонал.
Клубот го реши проблемот со визата и тренерот Положани ќе се придружи на тимот во Единбург во четврток за да го предводи тимот на натпреварот против Хибернијан.
