Многу врева дигна газдата на Панатинаикос, Димитрис Јанакопулос кој најави дека следната година Никола Јокиќ ќе дојде во Атина и дека понудата веќе е испратена.
Тој потоа истакна ако не се верува на неговите зборови тогаш треба да се праша Мишко Ражњатовиќ.
Познатиот српски кошаркарски менаџер потврди дека 31-годишниот српски центар навистина добил неочекувана понуда од Атина, а потоа малку се „влезе“ во деталите.
„Сè што Димитрис кажа во интервјуто за „Евро инсајдерс“, во врска со понудата до Никола Јокиќ, е вистина. За 30 години работа на овој бизнис, не сум наишол на таква понуда“, објасни Ражнатовиќ за MozzartSport.
Сепак, асот на Денвер ќе има шанса да потпише еден од најсилните договори во историјата на кошарката следното лето, а би вредел вртоглави 360 милиони долари за пет години.
„Со оглед на многу директниот однос што го имам со него, веднаш му објаснив дека понудата не е можно да се разгледа“, подвлече Ражнатовиќ.
Просечната сума од 72 милиони долари по сезона е поголема од буџетот на бројни Евролиги, па затоа е јасно дека Јанакопулос би морал да се сврти кон други опции ако сака да го режира најголемиот трансфер во историјата на европската кошарка.
