Турскиот спортски новинар Бурхан Џан Терзи, познат по своето известување за Галатасарај, беше приведен вчера како дел од истрагата започната поради неговите тврдења дека истанбулскиот гигант го договорил доаѓањето на Џамал Мусиала од Баерн Минхен. Терзи беше однесен во истанбулската полиција на сослушување по наредба на јавното обвинителство во Бакиркој под сомнение за „јавно ширење лажни информации“.
Терзи кон крајот на јули тврдеше дека Галатасарај постигнал договор со Мусијала и дека германскиот репрезентативец наскоро треба да пристигне во клубот. Тој беше толку уверен во своите информации што за време на еден од своите настапи рече дека гарантира за тоа со својата глава.
SON DAKİKA!
Bakırköy Cumhuriyet Başsavcılığı’nın talimatıyla gözaltına alınan Gazeteci Burhan Can Terzi sağlık kontrollerinin ardından emniyete götürüldü pic.twitter.com/uLtNpUsFOQ— Burak Doğan (@doganburak29) August 10, 2026
Галатасарај потоа официјално и многу цврсто ја негираше целата приказна. На 31 јули, клубот објави дека тврдењата за трансферот на Мусиала се неточни и изјави дека лажните информации продолжиле да се шират дури и откако биле демантирани. По демантот на клубот, Терзи рече дека информациите за трансферот му биле дадени од различни извори во исто време. Тој им се извини на навивачите за очекувањата што ги создал, но тврдеше дека не ја измислил приказната. Во еден од неговите настапи, тој јавно го повика Октај Ерџан, сопственикот на белгискиот клуб Вестерло, прашувајќи го дали му кажал дека „завршил со Мусиала“ и дека играчот ќе пристигне во Галатасарај следната недела.
