Да се знае кој е кој. “Фараонот“ како фараон во Трабзон. Доаѓањето на Мохамед Салах во Трабзонспор предизвика огромно внимание од светската јавност, а турските медиуми сега открија каде ќе живее египетската ѕвезда за време на престојот на брегот на Црното Море.
Како што објави турскиот портал Хаберлер, повикувајќи се на Сабах, Салах избрал луксузна вила во населбата Јалинџак во Трабзон, каде што неговото семејство наскоро треба да му се придружи. Египќанецот ги поминал првите денови по пристигнувањето во новиот клуб во кралскиот апартман на хотел, но наскоро ќе се пресели во нов дом. Во вилата веќе се во тек последните подготовки, така што сè ќе биде подготвено за пристигнувањето на Салах и неговото семејство.
А кога ќе се погледнат деталите, јасно е дека една од најголемите ѕвезди на турскиот фудбал ќе има речиси сè што може да посака. Вилата се наоѓа на парцела со вкупна површина од 975 квадратни метри и е распослана на неколку нивоа. Приземјето има 120 квадратни метри и има кујна, дневна соба, соба за гости и бања, како и балкон од 45 квадратни метри. Првиот кат исто така има 120 квадратни метри. Има три спални соби и три бањи, како и главна спална соба со сопствена бања и гардеробер. Исто така, има и посебна перална.
Сепак, најлуксузниот дел од идниот дом на Салах е на ниво на градината, која зафаќа 230 квадратни метри. На располагање на египетскиот фудбалер ќе бидат затворен базен, сауна и теретана, како и зимска градина, работна соба, уште една дневна соба и кујна, како и магацински и технички простории. И тоа не е сè. На последното ниво на покривот, со површина од 35 квадратни метри, има приватна кино сала и простор за складирање.
Просторот околу самата куќа е исто така импресивен. Влезната градина има 270 квадратни метри, додека долната се протега на 485 квадратни метри. Во дворот има уште еден приватен базен, камин, летна кујна, туш, градина за хоби и специјално дизајниран простор за играње на деца.
Вилата е опремена и со модерен систем „паметна куќа“, звучен систем, безбедносни камери и централен систем за контрола. За дополнителна удобност, инсталирано е греење на природен гас, котел и подно греење. Според турските медиуми, семејството на Салах наскоро треба да пристигне во Трабзон и да му се придружи на египетскиот ас.
Со доведувањето на Салах, Трабзонспор направи трансфер кој силно одекна во светскиот фудбал, а челниците на турскиот клуб очигледно сакаат нивната најголема ѕвезда да не пропушти ништо дури ни надвор од теренот. Судејќи според домот што го избра во Јалинчак, Салах навистина ќе има кралски услови во својата нова средина.
SALAH’IN TRABZON’DAKİ YENİ EVİ ORTAYA ÇIKTI 🏡
Trabzonspor’un yeni transferi Mohamed Salah’ın ailesiyle yaşayacağı villa belli oldu.
Yalıncak’ta 975 metrekarelik arazi üzerine kurulu villada kapalı havuz, sauna, spor salonu, sinema odası, akıllı ev ve güvenlik sistemi… pic.twitter.com/6z3x0xpIz3
— tanerbildik (@tanerbildik) August 7, 2026
