Фудбалската федерација на Македонија во Струмица е организатор и ќе биде домаќин на развоен турнир за репрезентации до 15 години, на кој ќе настапи репрезентацијата на Македонија составена од фудбалери од генерацијата 2012 година.
Турнирот е одлична можност за младите репрезентативци да стекнат меѓународно искуство и да ги одмерат силите со квалитетни селекции. Македонија ќе одигра три натпревари: 21 август, Македонија- Босна и Херцеговина, 23 август, Македонија – Естонија и 26 август, Македонија – Украина.
Селекторот на нашата репрезентација до 15 години, Горан Георгиевски за натпреварите ќе смета на следните фудбалери: ДАВОР ГРАБУЛОВСКИ, АРТАН РАМАДАНИ, СТЕФАН ПЕТКОВСКИ, КАЛИН АРСОВСКИ, МАКСИМ МЕЧКАРОВСКИ, МАРКО МАРТИНОВСКИ, ЛЕИС ФАКИЌ, АМИР БАФТИЈАРИ, АНГЕЛ СИМОНОВСКИ, ГАБРИЕЛ ФУДАРСКИ МИТЕВ, СТЕФАН ШИЛКОВСКИ, ОГНЕН БОЖИНОВСКИ, СТЕФАН ДРНДАРОВСКИ, ЛЕОН РИСТОВ, НЕНАД ЈОВАНОВИЌ, ХАРИ ПАПИЌ, ЏЕМАЛ АЛИЛИ, АДЕМ ВУКЕЉ, АНИК ИСУФИ, ОРГЕС ЕЛЕЗИ, УБЕИТ МУАДИНИ, ВИКТОР ГРДАНОСКИ;
Сите натпревари ќе се одиграат во Струмица.
