Францускиот напаѓач Килијан Мбапе излезе со свои размислувања за освојувањето на неговата прва „Златна топка“. Ѕвездата на Реал Мадрид истакнува дека играњето за најголемиот светски клуб автоматски го става во фокусот за овие признанија.
„Кога играш за Реал Мадрид, најдобриот клуб во светот, неизбежно си поврзан со вакви награди. Луѓето ми зборуваат за тоа кога ќе ме сретнат на улица. Ова е извонредно престижно признание за секој играч“, вели Мбапе.
Тој ослободено се осврна и на прашањето дали тој е најдобриот фудбалер во моментов:
„Секој има свое мислење. Некои ќе кажат да, други не. Тоа е дебата и никој не е должен да мисли како мене. Оваа година би можела да биде поволна за Златната топка, но наградата ја доделуваат новинарите и тие ќе бидат тие што ќе одлучат“.
