Елена Рибакина е новата шампионка на УС Опен, откако во финалето рано утринава ја совлада првата носителка Арина Сабаленка со 2:1 во сетови (6:4, 5:7, 6:2).
Казахстанката одлично го започна мечот и го освои првиот сет со 6:4, но Сабаленка возврати во вториот и со 7:5 избори решавачки сет. Во третиот сет Рибакина повторно ја презеде контролата, направи клучен исчекор и со 6:2 стигна до најголемиот успех на турнирот.
За Рибакина ова е трета Гренд слем титула во кариерата, по Вимблдон во 2022 и Австралија опен во 2026 година. Таа воедно ја продолжи одличната година на тврда подлога, откако претходно сезонава го освои и Австралија опен.
Сабаленка, пак, не успеа да стигне до третата последователна титула на УС Опен, откако во 2024 и 2025 година беше шампионка. Рибакина со триумфот го потврди и преземањето на првата позиција на ВТА-листата, станувајќи прва тенисерка од Казахстан на врвот на светскиот тенис.
