На денешен ден во 2011 година, Македонија го славеше најголемиот успех во историјата на својата кошаркарска репрезентација.
По незаборавното Европско првенство во Литванија, нашите кошаркари се вратија дома со историското четврто место во Европското првенство, резултат кој и денес останува еден од најголемите моменти во македонскиот спорт.
Илјадници фанови излегоа на плоштадот во Скопје за да ги пречекаат своите херои. Песни, емоции, македонски знамиња и една заедничка гордост, ден кој тешко ќе се повтори и уште потешко ќе се заборави.
