Ракометарите на ГРК Охрид ќе имаат предност на домашен терен во двомечот од второто коло на ЕХФ Европскиот куп, откако е договорено двата натпревари против турскиот Спор Тото СК да се одиграат во Охрид.
Средбите ќе се играат на 23 и 24 октомври, со почеток во 18:30 часот, во спортската сала „Билјанини извори“.
Охриѓани така ќе имаат можност пред домашната публика да го одиграат целиот двомеч и да се обидат да обезбедат пласман во следната фаза од европското натпреварување, каде оваа сезона ја имаат улогата на бранител на трофејот.
