Златан Ибрахимовиќ пораснал во скромни и тешки услови во Малме! Кога, благодарение на својот талент и напорна работна етика, ги заработил првите сериозни пари во својата фудбалска кариера, сакал да го направи гестот за кој сонува секој син – да му обезбеди на својот татко сè што сака! Изборот паднал на симболот на престиж и моќ, луксузниот Мерцедес С-класа.
Меѓутоа, кога затропал на вратата на својот татко Шефик, го пречекала лекција за непоколеблива балканска гордост и инает што ја памети цел живот! Потсетувајќи се на една од најдрагите и најемотивните семејни анегдоти, легендарниот напаѓач детално опишал како се одржала средбата на која му ги предал клучевите од скапата лимузина на својот татко.
“Му купив автомобил на татко ми и му реков: „Ова е твојот автомобил. Твој е, сакам ти да го возиш“. Беше Мерцедес С-класа. Тој само ме погледна и ладно одговори: „Не ми треба автомобил“. Му реков: „Мора да изгледаш како Балканец! Ти купив голем, убав автомобил. Ти си татко му на Златан, вози го и биди горд!“ Ми рече повторно, сосема мирно: „Не ми треба автомобил.“ Почна навистина да ме нервира! Конечно се налутив и реков: „Слушај, ова е твојот автомобил, точка! Вози го.“ Ги фрлив клучевите на масата и луто ја напуштив собата, рече Ибрахимовиќ.
Иако се преправаше дека е рамнодушен пред својот син и одби да го прифати скапиот подарок, Шефик Ибрахимовиќ не можеше да одолее на шармот на германскиот крузер. Вистината за тоа што се случуваше зад сцената беше откриена само една недела подоцна на улиците на градот.
“Смешното е што една недела подоцна возев низ градот и во далечината го забележав истиот Мерцедес што му го купив. Се приближив до автомобилот и видов дека татко ми го вози со задоволство! Тој никогаш не ги покажуваше тие работи пред мене, но и го користеше штом ме немаше, се присети Златан со насмевка.
