Дебитантот на Голден Стејт го чуваше словенечкиот кошаркар, а по една успешна одбранбена акција, двајцата почнаа да си разменуваат провокации. Ситуацијата дополнително се заостри, па судиите му досудија техничка грешка на Лендерборг.
Словенецот набргу возврати на свој начин. Во финишот на првото полувреме погоди спектакуларна тројка од својата половина, со звукот на сирената, а потоа покажуваше кон Лендерборг и продолжи да го провоцира.
Во еден момент, додека Лендерборг седеше на клупата на Вориорс, Дончиќ по успешна акција погледна кон него и му дофрли: „Врати се на теренот, п…!“ Снимката од провокацијата брзо се прошири на социјалните мрежи.
Лејкерс уште до полувремето стекнаа значителна предност, а прашањето за победникот дефинитивно го решија во третата четвртина, која ја добија со убедливи 36:16. Во последните 12 минути влегоа со водство од 102:68.
Покрај Дончиќ, особено се истакна центарот на Лејкерс, Вокер Кеслер, кој постигна 26 поени без ниту едно промашување од игра (12/12), а забележа и девет скока. Остин Ривс додаде 23 поени и шест асистенции.
Кај Вориорс, најдобар беше Стеф Кари со 23 поени, од кои дури 20 ги постигна во првото полувреме. Голден Стејт не можеше да смета на неколку важни играчи, меѓу кои Џими Батлер и Кристапс Порзингис.
Резултати: Орландо – Атланта 125:132, Вашингтон – Милвоки 128:116, Бруклин – Шарлот 103:110, Мајами – Минесота 106:131, Торонто – Чикаго 135:92, Мемфис – Јута 123:103, Њу Орлеанс – Индијана 120:123, Хјустон – Далас 128:110, Лос Анџелес Лејкерс – Голден Стејт 127:105, Портланд – Феникс 124:83, Лос Анџелес Клиперс – Сакраменто 121:96.
