Младите фудбалери на Брера се елиминирани во 2.квалификациско коло во Младинската Лига на Шампионите. Тие и вечерва во Германија, на возвратниот меч беа поразени од силниот Хофенхајм, овојпат со 9:0, па така со вкупни 0:12 ја завршија оваа одисеја во фудбалска Европа.
Јасно беше и пред двомечот кој ќе оди во следната фаза, посебно по оние 0:3 во Струмица за Германците, но сепак ретко кој помислуваше дека струмичани вечерва ќе примат толку голови.
Сепак Хофенхајм покажа сила, одигра во германски стил и на крај се задоволи со осум погодоци во мрежата на нашиот европски претставник.
Веќе во 11.минута домашните водеа со 2:0 и тоа беше аларм за струмичани дека ги чека тешка вечер во Хофенхајм. На пауза се замина “само“ со 4:0.
Се чинеше дека Германците ќе го намалат темпото и ритамот, ама ништо од тоа, напротив. Во второто полувреме уште петпати ја тресе мрежата на струмичани за конечни 9:0.
Брера на овој меч едноставно немаше никакви шанси барем да се обиде да покаже дел од своите квалитети.
