ЛШ: Комо му нанесе историски срам на Ленс, Халанд за победа на Сити, Арсенал според планот

Комо вечерва приреди вистинска голеада на гостувањето кај Ленс, славејќи со неверојатни 9:1 во натпреварот од четвртото коло во Лигата на шампионите. Италијанскиот тим „експлодираше“ на мечот во Франција каде Тасос Дувикас беше најзаслужен за убедливиот триумф со три постигнати гола. Грчкиот напаѓач го отвори резултатот во седмата минута, а во 32. повторно ја затресе мрежата на домаќините. Нико Паз во 40. минута зголеми на 3:0, со што Комо веќе на паузата имаше убедлива предност. Во второто полувреме следуваше целосен распад на играта на Ленс. Лукас Да Куња погоди во 47. минута, Марк-Оливер Кемпф во 53., а Дувикас со својот трет гол во 57. минута ја продолжи гол-серијата на гостите. Во листата на стрелците се запишаа и Матија Либерали во 62, Мартин Батурина во 69. минута и Папациоли во 92. минута. Единствениот гол за Ленс го постигна Рајан Агилар во 65. минута, но тоа не го ублажи срамот за домашните.

Манчестер Сити славеше со 3:2 на гостувањето кај Лајпциг во дербито од четвртото коло во Лигата на шампионите. Англискиот тим до победата стигна по пресврт во второто полувреме, откако домаќините двапати се враќаа во натпреварот. Сити поведе во 37. минута со автоголот на Кастело Лукеба, но Лајпциг израмни веднаш по паузата. Во 49. минута Боте Баку ја искористи асистенцијата на Брајан Груда и донесе 1:1. Енцо Фернандез во 58. минута повторно му донесе предност на Сити, но Антонио Нуса само три минути подоцна израмни на 2:2. Конечниот удар го зададе Ерлинг Халанд во 78. минута, по асистенцијата на Елиот Андерсон, за голема победа на гостите.

Арсенал ја забележа четвртата победа во групната фаза од Лигата на шампионите, откако славеше со 2:1 на гостувањето кај Славија Прага. „Топчиите“ ја завршија работата уште во првото полувреме, кога стекнаа предност од два гола. Нони Мадуеке го отвори резултатот во деветтата минута, по асистенцијата на Виктор Ѓокереш. Шведскиот напаѓач потоа се запиша и меѓу стрелците, во 38. минута, кога ја искористи асистенцијата на Микел Мерино за 0:2. Славија не се предаде и во самиот финиш успеа да ја врати неизвесноста. Воктор Новак во 90. минута намали на 1:2, по додавањето на Давид Јурашек, но домаќините немаа доволно време за целосен пресврт.

ЛИГА НА ШАМПИОНИТЕ, 4. КОЛО