Уште едно име кое долго го носеше дресот на Македонија замина во легендите. Никола Маркоски стави крај на својата кариера, а денешниот натпревар против Луксембург беше совршен момент да му биде оддадена почит за сето она што го направи за националниот тим.
Ракометната федерација на Македонија пред почетокот на мечот направи убав гест. Претседателот Александар Стефанов на Маркоски му врачи врамен дрес како знак на благодарност за годините посветени на репрезентацијата.
Последен клуб во кариерата на Маркоски беше Алкалоид, а настапуваше и за Вардар, Металург и Еурофарм Пелистер.
