Вечерва во меч од 6.коло во нашата кошаркарска елитна лига, кошаркарите на Тиквеш славеа на гости во Струмица против истоимениот тим со 70:75.
Ова е трета победа за кавадарчани и трет пораз за струмичани.
Интересен дуел кој домашните подобро го започнаа и имаа водство по првиот период од 21:16. Следуваше втора четвртина која во целост беше рамнопрабна 18:18, па на одмор се замина со +5 поени разлика во корист на домашната екипа.
Во продолжение далеку подобра игра на кавадарчани, се разигра Тиквше и тоа како вроди со плод ако се знае дека третиот период гостите го добија со 15:24. Во последната четвртина струмичани се заканија, дојдоа и до -2 поени во финишот, но сепак кавадарчани знаеја како треба да стават печат на победата и успеаја во тоа.
Кај домашните Харис со 19 поени беше најефикасен, додека кај победничкиот тим Смит и Сукс запишаа по 18 поени.
