Морничави сцени го одбележаа големото дерби во северна Норвешка помеѓу Тромсо и Бодо/Глимт. Наместо фудбал, рефлекторите беа насочени кон драматичен инцидент на стадионот Ромс Арена, каде што дел од трибината за гостинските навивачи одеднаш попушти и неколку луѓе паднаа низ конструкцијата.
Сè се случи во 41-та минута од натпреварот, кога дел од трибината каде што се наоѓаа навивачите на Бодо/Глимт се урна.
Според норвешките медиуми, навивачите скокале на песната, по што подната конструкција попуштила. Следеле моменти на паника. Неколку луѓе паднале низ отворот создаден од уривањето, а на стадионот веднаш пристигнале служби за итни случаи, медицински персонал и полиција.
Натпреварот бил прекинат, а играчите биле испратени во соблекувалните за спасувачите да можат без пречки да стигнат до повредените. Се издвоил голманот на Бодо/Глимт, Никита Хаикин, кој прв го привлече вниманието на судијата кон тоа што се случува на трибините.
Навивачите на гостинскиот клуб беа итно евакуирани од тој дел од стадионот, додека членовите на службите за итни случаи им помогнаа на луѓето кои паднаа низ конструкцијата.
Според информациите објавени од норвешките медиуми, во инцидентот биле повредени четири лица, а едно лице е пренесено во болница со сериозни повреди. На другите им е укажана медицинска помош на лице место.
По разговорите меѓу претставниците на клубовите, полицијата, федерацијата и организаторите, беше одлучено натпреварот да продолжи.
Навивачите на Бодо/Глимт беа преместени во друг дел од трибината, а натпреварот продолжи по долга пауза.
Počas zápasu Trömsö – Bodo Glimt sa zrútila tribúna s fanúšikmi hostí, na mieste je veľa zranených, obete by chvalabohu nemali byť žiadne. https://t.co/cvBDD4vsDb
— Michal Runák (@michal_runak) November 8, 2026
