Кошаркарите на Денвер Нагетс доживеаја пораз на гостувањето кај Хјустон Рокетс со 110:100.
Повторно еден од најдобрите поединци во гостинскиот состав беше Никола Јокиќ, но ниту неговата одлична партија не беше доволна за Денвер да избегне нов пораз.
Јокиќ го заврши натпреварот со 25 поени, 16 скока и девет асистенции против Хјустон.
Денвер така продолжи со лошиот почеток на новата сезона, а очигледно ниту извонредните настапи на Јокиќ повеќе не се доволни за тимот да бележи победи.
Моментално Денвер има учинок од пет победи и четири порази и се наоѓа на претпоследното место во својата дивизија. На следниот натпревар повторно ќе игра на гостински терен, овојпат против Мемфис.
Но, покрај лошите резултати, за навивачите на Денвер пристигнуваат уште понепријатни вести. Во центарот на вниманието е токму нивната најголема ѕвезда – Никола Јокиќ.
Имено, неговата иднина во Денвер е под голем знак прашалник, а наводно разделбата би можела да се случи веќе следното лето.
Јокиќ со години е еден од најдобрите, ако не и најдобриот кошаркар на Денвер, практично и заштитно лице на клубот. Сепак, се чини дека се отвора можност за крај на неговата приказна во Колорадо.
За оваа тема зборуваше еден од најпознатите американски спортски новинари, Тим Каваками, во еден подкаст.
Тој тврди дека постои реална можност Јокиќ да остане во Денвер, но истовремено не ја исклучува ниту опцијата за негово заминување следното лето.
„Слушам дека за ова се зборува веќе извесно време. Ситуацијата е целосно отворена. Можно е да се врати во Денвер, но ништо не е сигурно.
Не е загарантирано дека ќе се врати и ќе потпише долгорочно продолжување на договорот со Денвер“, изјави Каваками за Јокиќ.
Пред српскиот центар, значи, е една од најважните одлуки во кариерата – во кој клуб ќе настапува од следното лето.
Сигурно е дека многу екипи би сакале да го видат во своите редови и ќе се обидат да го убедат да потпише договор.
Секако, останува и можноста за продолжување на соработката со Денвер, но засега е неизвесно дали тоа навистина ќе се случи.
