Македонскиот репрезентативец Ненад Димитријевиќ го освои првото место во изборот за најубав потег на седмото коло во Еврокупот. Плејмејкерот на Арис од Солун се најде на врвот на листата Топ 10 најатрактивни моменти од натпреварите во второто по ранг европско клупско натпреварување.
За признанието беше доволно неговото фантастично додавање во стилот на цепелин, на самиот почеток од дуелот против Рига. Димитријевиќ уште еднаш покажа зошто важи за еден од најкреативните организатори на играта во Еврокупот.
