Женскиот ракометен клуб на Чаир обезбеди историски клупски успех со пласманот во осминафиналето на ЕХФ Европскиот куп.
Нашиот претставник беше далеку поуспешен со двомечот со азербејџанскиот претставник, Кур, и сосема заслужено оди во следната фаза.
По победата од 27-24 на првиот дуел, избраничките на Басри Љатифи уште еднаш ја потврдија својата доминација и со вкупни 59-45 изборија место меѓу најдобрите 16 екипи.
Дамчевска, Махмуд, Ристиќ, Павлова, Галал и Ѓорѓиевска се запишаа во листата на стрелците со по четири гола, а и голманките Којовиќ и Кирова се истакнаа со десет одбрани.
Со ова е повторен успехот од минатата година, а следниот противник ќе биде дознае по ждрепката во Виена во вторник.
