Репрезентацијата на Словенија синоќа на Арената Тодор Проески во Скопје во рамките од последното коло од Лигата на Нациите, ни одржа фудбалска лекција. Не победи со 0:3 и си замина со планираните три бода.
Колку и да боли поразот на терен, уште повеќе боли оној на трибините. Каде што официјално според УЕФА супервајзерот имаше не повеќе од 2000 гледачи. Ужас… па дури и за македонски фудбалски услови. Нашиот национален тим никогаш во историјата не играл пред толку малку гледачи.
Словенечките новинари јавно се прашуваат денеска, откако ја испофалија нивната селекција, како е можно на еден меч на национален тим да има толку малку гледачи. А Арената со капацитет од 35.000 гледачи.
Не споредуваат со мечеви од нивниот шампионат и тимот на Браво. Кој што очигледно има просек од 1000, 2000 гледачи не повеќе.
„Нема публика во Македонија, сите дојдоа да работат во Словенија“ – е најоригиналниот коментар на текстот кој што словенците го посветија на една тажна македонска фудбалска репрезентативна епизода…










