Се огласи Кек по повод селекторското место на Македонија

0

Лавина од новинарски наслови, и „домино“ ефект предизвика вчера написот дека искусниот словенечки фудбалски стратег, и поранешен селектор на оваа репрезентација, Матијаш Кек е наследникот на Гоце Седлоски на клупата на Македонија.

По серијата на порави во Лигата на Нациите, Б дивизија, и финишот со нула бодови на нашето конто, сосема очекувано е да почнат шпекулации за смена на Седлоски и доаѓање на нов селектор на нашиот национален состав.

Кек и претходно беше споменуван како можна опција, а сега откако неговото име се најде во центарот на вниманието на балканската јавност, нормално е во моментов тренерот на хрватскиот тим Ријека и самиот да се огласи по ова прашање.

„Немаше никаков контакт, ниту каков било повик од Македонија. Дури и да имаше, моето семејство и претседателот Дамир Мишковиќ ќе дознаеја први. Не дојдов во Риека само за три месеци. Имаме одредени проблеми, но правиме сè што е во наша моќ за да ги решиме“, изјави Кек, како што пренесува „Нови лист“

Ова е одговор кој што и доликува на авторитет во професијата како Кек. Тој дипломатски и се обрати на јавноста која што во моментов само може да шпекулира и ништо повеќе.

На ФФМ е најпрво да одлучи дали Седлоски и натаму ја има довербата, а потоа дали евентуално неговата замена ќе се вика Матијаш Кек.

https://www.novilist.hr/sport/nk-rijeka/matjaz-kek-se-oglasio-nakon-medijskih-naklapanja-da-preuzima-makedoniju-nisam-dosao-u-rijeku-na-tri-mjeseca/

ПретходноКирил Лазаров го објави поширокиот список за Светското првенство