Македонската селекција до 21 година ќе биде сместена во четвртиот „шешир“ на ждрепката за квалификациските групи за ЕП 2025 што ќе се одржи во Словачка. Македонија е рангирана на 32 место што ја става во четвртиот „шешир“ од вкупно шест заедно со селекциите на БиХ, Бугарија, Унгарија, Турција, Велс, Белорусија, С.Ирска и Албанија што значи дека нашите момци нема да играат со овие селекции.
Лидер на ранкингот е Шпанија која е во првиот „шешир“ заедно со Португалија, Германија, Франција, Холандија, Англија, Данска, Италија и Романија.
Хрватска е во вториот „шешир“ со Швајцарија, Белгија, Чешка, Полска, Украина, Шведска, Австрија и Р.Ирска.
Ждерпката за квалификациските групи ќе се одржи на 2 февруари во Нион, Швајцарија. На ЕУРО шампионатот Словачка оди директно како домаќин, а преку квалификациите ќе се чекаат 15 селекции.
