Леброн Џејмс и официјално е најдобриот стрелец на сите времиња во НБА-лигата. „Кралот“ успеа да го симне од тронот Карим Абдул Џабар, кој долго време беше лидер во оваа категорија.
Рекордот кој стоеше од пензионирањето на Џабар во 1989 година беше 38.387 поени и се сметаше дека никогаш нема да биде надминат. Историјата се запиша во вторникот наутро со кошот на Џејмс во третата четвртина против Оклахома.
Карим беше на работ од теренот и еден од оние кои веднаш станаа и му аплаудираа на новиот рекордер. Симболично му ја подаде топката во центарот на теренот како да ја предава круната и му дозволи на Џејмс да го сумира постигнатото во неколку реченици. Тој започна со оддавање почит кон него, неговиот говор ќе стане иконски.
“I know I can play a couple more years… it’s all about my mind.”
LeBron on adding to his all-time NBA scoring record.#ScoringKing pic.twitter.com/ZBfUZJsOa2
— NBA (@NBA) February 8, 2023
„Многу ми значи да бидам во друштво на таква легенда како што е Карим Абдул-Џабар. Отсекогаш сум сонувал да бидам дел од НБА, но не можев да замислам за милион години дека она што се случи вечерва може да испадне подобро од тоа”, рече Леброн.
