Со головите на Дарвин Нуњез и Коди Гакпо во раната фаза Ливерпул го совлада Њукасл со 2:0 на „Ст.Џејмс Парк“ во 24.коло на Премиер лигата. Дарвин ја начна мрежата на Њукасл во 10. Минута, а седум минути подоцна Гакпо зголеми на 2:0.
Во 22 минута Њукасл остана со играч помалку поради црвениот картон на голманот Ник Поуп, па домашните имаа многу тешка задача да се вратат резултатски. Резултатот не се смени до крајот и бодовите заминаа на контото на Ливерпул на кого ова му е втора победа по ред, односно 10-та сезонава. Њукасл го впиша вториот пораз.
Освен тоа Ливерпул не е поразен од Њукасл во премиерлигашки меч уште од 2015 година.
