Македонскиот ПМФЛ шампионат вчера го имаше своето 25. издание сезонава, а во него, тимот на Тиквеш извлече бод во ремито без голови во Штип против тимот на Брегалница.
Меч кој засекогаш ќе го помни младиот, 16. годишен играч на Кавадарчани, Невен Костадинов кој доби шанса да го финишира дуелот, и со самото тоа да дебитира за првиот тим на Тиквеш.
Според зборовите на тренерот Ѓорѓи Мојсов, се работи за еден од неколкуте кадети кои се приклучени на првиот тим на Тиквеш и кој сериозно се наметнуваат како опција и покрај нивната младост. Костадинов е класичен играч за врска, со дефанзивни задачи но и офанзивата не му непознаница, па сигурно дека до крајот на сезоната, а со оглед на комфорноста на Кавадарчани кога станува збор за бодовното салдо тој да доби сериозна минутажа и шанса во првите единаесет.
